ამერიკელმა სამართალდამცველებმა ლონგ-აილენდში, სადაც აშშ-ის პრეზიდენტობის კანდიდატის „რესპუბლიკური“ პარტიიდან დონალდ ტრამპის წინასაარჩევნო მიტინგი უნდა ჩატარდეს, ასაფეთქებელი მოწყობილობა აღმოაჩინეს.
The Daily Mail-ის ინფორმაციით, ასაფეთქებელი მოწყობილობა მიტინგის ჩატარების ადგილას გაჩერებულ ერთ-ერთ ავტომობილში იპოვეს.
გამოცემა აღნიშნავს, რომ ახალი შემთხვევა ტრამპზე თავდასხმის მომზადების აღკვეთიდან სამი დღის შემდეგ მოხდა. მაშინ პოლიციელებმა ტრამპის გოლფის მოედანზე პალმ-ბიჩში 58 წლის რაიან უესლი რუთი დააკავეს.
რაც შეეხება მანქანაში ნაპოვნ ასაფეთქებელ მოწყობილობას, პოლიციას ოფიციალურად ჯერ არ დაუდასტურებია. გამოკითხვაზეა გადაყვანილი კინოლოგი, რომლის ძაღლმაც აღმოაჩინა ეს მოწყობილობა. თავად მანქანის პატრონი კი მიიმალა.
ადგილობრივი პოლიციის განცხადებით, ტრამპის სიცოცხლეს საფრთხე არ ემუქრება. პოლიცია და საიდუმლო სამსახური განსაკუთრებული მზადყოფნის რეჟიმზე არიან გადასულები.
